3. ZIKLOA

 Kaixo lagunak! Aurreko urtarrilean Beire Aterpetxean egon ginen Ingeleseko murgiltze programan parte hartzen. Bizipen zoragarria izan zen eta astebete pasa genuen etxetik kanpo! Urduri xamar joan ginen arren, poz pozik bueltatu ginen denak!  Aukera paregabea izan zen bertako begiraleekin  ingelesa praktikatzeko.  Bideo honetan duzue astearen laburpentxoa.

 Aurreko astean LH6ko ikasleak Hirubide bixitatzera joan ginen.  Eskola eta bertako ekintzak ezagutzeko aukera izan genuen.  Poz pozik bueltatu ginen eskolara. Hemen dituzue atera genituen argazkiak.

Seigarren mailako ikasleok egun honekin bat egiteko, Sastrakako emakumeek abesten duten "Aurre egingo dizueten emakumeak" abestia ikasi eta abestu dugu. Larruazala oilo ipurdi moduan jartzen duen horietako kanta bat da. Azaroaren 27an berriz, Asun Casasola etorri zen gurekin hitz egitera eta gure galderak entzutera. Goiz polita pasa genuen eta bere jatortasuna eskertzeko, bonboi batzuk eta landare bat oparitu genizkion.    ESKERRIK ASKO, ASUN!!!

 LH 6ko ikasleek, euren familien jatorriaren inguruan ikerketa txiki bat egin zuten. Ondoren, bere arbasoen herrialdeak mapan kokatu zituzten.

Suhiltzaileengana joan ginen 5.mailako ikasleak aurreko egunetan. Beraien jantziak, ibilgailuak, tresnak, entrenamenduak etab. ikusteko aukera izan genuen. Eskailera-kamioi batean eta 30m inguruko altuerara igo ginen, beraien ibilgailuetan paseo bat eman, eta baita benetako larrialdi baten aurrean nola jokatzen duten ikusi genuen.  Eskolatik bertan dugun aukera hau, nola ez dugu aprobetxatuko ba? Egin klik argazki gehiago ikusteko!

A ze abenturak,  a ze bertigoak,  a ze urduritasunak,  ta ze irriak. zenbat laster,    zenbat natura,  zenbat lagun,  ta zenbat ekintza.  Tirolina, arborismoa, zentzumenak naturan, orioentazio jolasak etab.ez disfrutatu dugu 6.mailakoak Irrisarrin. Astelehenetik asteazkenera bitartean hantxen egon gara, naturaz blai eta gorputza erabat aktibatua ekintza ugaritan.  Gehiago jakin nahi baduzue, klikatu hemen eta ikusi zeinen ongi pasatu dugun!